ALah lamo bana Den raso indak ke Ranah Minang tampek Den baraja kiro-kiro duo puluah limo tahun nan lalu.Sajak baliak ke Malaysia 1985 dulu,alun parnah Den pai lai. Baa kini nagari mungkin lah banyak bana barubah. Urang Minang takana jo urang awak pandai mencari pitih. Nan padusi rajin karajo batanam dan menggaleh di pasar. Bukit Tinggi ranah nan batuah rame padusi nan manjua di pasar ateh sarupo jo nagari Kelantan.Urang Cino di Bukit Tinggi dan Padang pun lai mengecek Baso Minang saroman urang awak juo. Baitu juo di Kelantan urang Cino pun samo mengecek Baso Kelantan baitu rancak bana.Selamo Den beraja di sinan salamo duo satangah tahun di IKIP Padang kini alah batuka Universitas Pendidikan Nagari Padang, urang indak sangko Den dari Kelantan karano pas mengecek Bahasa Minang.Tiok minggu Den pai ke Bukit Tinggi.Urang awak pandai babicaro, cadiak dan kuek bepagang jo adat. Takana Pagar Ruyung, Paya Kumbuah jo Koto Padang nan Teluk Bayu taraso maimbau-imbau diri Den.Takana sanak ambo mengecek caro urang Paya Kumbuah "Baa pulo, ndak obeh den da, kama poi, cako lai" wakatu samo-samo kuliah dulu. InsyaAllah jiko ado razaki pai juo nanti. Takana Den bilo mendangar saluang nan mendayu-dayu di ulek raso hibo mencaliak nagari nan elok alh den tinggalkan.
Che'Yahya Che'Soh
Kuala Lumpur.
16 Oktober,2013.
No comments:
Post a Comment